Monday, May 21, 2007

മൌനത്തിന്‍ ഇടനാഴിയില്‍.. ഒരു ജാലകം..

മൌനത്തിന്‍ ഇടനാഴിയില്‍.. ഒരു ജാലകം..
മെല്ലെ തുറന്നതാരോ..ചെല്ലപ്പൂങ്കാറ്റോ പൂനിലാവോ..
പൂനിലാവിന്‍ തേരില്‍ വരും ഗന്ധര്‍വനോ..

(മൌനത്തിന്‍ ഇടനാഴിയില്‍.. ഒരു ജാലകം..)

ഏതോ രാഗഗാനം നിന്നില്‍ കൊതി ചേര്‍ക്കും നാളണഞ്ഞു
നീയരുളും സ്നേഹം ഒരു മാന്തളിരായ് എന്നും
തഴുകുന്നു നീ എന്നും എന്നുള്ളില്‍ ഈണം പാടും വീണ
കണ്ണിനു നാണപ്പൂക്കൂട..

(മൌനത്തിന്‍ ഇടനാഴിയില്‍.. ഒരു ജാലകം..)

വീണ്ടും നിന്നെ തേടും ഞാനൊരു മലരമ്പിന്‍ നോവറിഞ്ഞൂ..
ഏതിരുളിന്‍ താരം പ്രിയ സാന്ത്വനമായ് എന്നില്‍
തെളിയുന്നു മുത്താണോ പൂവാണോ സ്വപ്നം തേടും രൂപം
നീ വരു ഓണപ്പൂത്തുമ്പീ...

(മൌനത്തിന്‍ ഇടനാഴിയില്‍.. ഒരു ജാലകം..)

===============
ചിത്രം: മാളൂട്ടി (1990)
സംഗീതം: ജോണ്‍സന്‍ മാഷ്‌
വരികള്‍: പഴവിള രമേശന്‍
പാട്ടിവിടെ

Tuesday, May 15, 2007

നിന്‍ മധുരമാം കാലൊച്ച!

വാതില്‍പ്പഴുതിലൂടെന്‍ മുന്നില്‍ കുങ്കുമം
വാരിവിതറും തൃസന്ധ്യ പോകേ..
അതിലോലമെന്‍ ഇടനാഴിയില്‍ നിന്‍ കളമധുരമാം കാലൊച്ച കേട്ടൂ..
മധുരമാം കാലൊച്ച കേട്ടു..

ഹൃദയത്തിന്‍ തന്തിയിലാരോ വിരല്‍ തൊടും
മൃദുലമാം നിസ്വനം പോലേ..
ഇലകളില്‍ ജലകണം ഇറ്റുവീഴുംപോലെന്‍
ഉയിരില്‍ അമൃതം തളിച്ച പോലേ..
തരള വിലോലം നിന്‍ കാലൊച്ച കേട്ടു ഞാന്‍
അറിയാതെ കോരിത്തരിച്ചു പോയി..
അറിയാതെ കോരിത്തരിച്ചു പോയി

ഹിമബിന്ദു മുഖപടം ചാര്‍ത്തിയ പൂവിനെ
മധുകരം നുകരാതെയുഴറും പോലേ
അരിയ നിന്‍ കാലൊച്ച ചൊല്ലിയ മന്ത്രത്തിന്‍
പൊരുളറിയാതെ ഞാന്‍ നിന്നു
നിഴലുകള്‍ കളമെഴുതുന്നൊരെന്‍ മുന്നില്‍
മറ്റൊരു സന്ധ്യയായ് നീ വന്നു
മറ്റൊരു സന്ധ്യയായ് നീ വന്നു

------------------------------------
"ഇടനാഴിയില്‍ ഒരു കാലൊച്ച" എന്ന ചിത്രത്തില്‍ നിന്നു.
ദക്ഷിണാമൂര്‍ത്തി സ്വാമി | യേശുദാസ്‌ | ഓ എന്‍ വി കുറുപ്പ്